唱歌小教室
#HKICF2025
「吸氣你要知」
編輯：謝文瀚
就記住以下幾點：
Here’s how to do it:
- 企直但唔僵硬：想像頭頂有條線輕輕拉住你，將身體拉高，保持自然挺直。
- 胸膛開揚：胸骨靠肋間肌嘅幫助輕輕向上提，幫助呼吸更順暢，但唔好抬頭過高或者太僵硬。
- 雙腳穩定：雙腳與肩膀同寬，膝蓋微微彎曲，放鬆膝關節附近嘅肌肉，重心平均分佈喺兩腳。
- 檢查姿勢：做到以上三點後，試吓閉上眼深呼吸，檢查身體有冇太僵硬或者失去平衡，再調整到輕鬆穩定嘅狀態。
所謂「吸到肚臍」，其實係形容橫隔膜下降嘅現象：吸氣時橫隔膜向下移動，內臟被壓住，腹部自然鼓起，就好似氣流「去到肚臍」咁！記住，空氣只會進入肺部，唔係真係去到肚臍。
試下呢啲小技巧：
- 涼意測試：用口吸氣，感受冷空氣經過喉嚨，證明吸氣通道開得好。
- 張開下顎吸氣：模仿打喊路「啊～」，呼吸時無需過度張開下顎，以免令附近肌肉過份拉扯緊張，重點係要學識點樣輕輕提升口腔頂部。
- 膊頭放鬆：吸氣時唔好聳肩，保持自然穩定。
唱歌嘅呼吸同日常生存呼吸嘅最大分別喺深度同控制。一齊睇下有咩唔同：
- 生存呼吸 ：吸氣自然且淺，速度快，所需要嘅空氣量不多。由於目的是維持基本生存需要，所以無需特別控制。
- 唱歌呼吸 ：吸氣更深，橫隔膜充分下降，提供足夠氣息應付長句或穩定聲音嘅需要。呼氣時，腹部肌肉慢慢控制氣流釋放，保持聲音穩定而有力。
無錯。由於橫膈膜圍繞整個身體，所以當橫膈膜向下壓時，背部亦經有輕微鼓起嘅感覺。你可以嘗試練習 「背部擴張感受法」：
- 坐低並將身體稍微向前傾
- 雙手放喺腹部側背方
- 吸氣時感受背部微微膨脹
咁就可以體驗深層吸氣嘅感覺啦！
唱歌最理想係平衡呼吸，結合胸腔式與腹式呼吸嘅優勢！嚟，我解釋四種呼吸方式：
- 鎖骨式呼吸： 肩膀抬起，氣流集中喺肺部上方，吸氣量最多，但容易造成肩膊緊張，唔適合唱歌使用。
- 胸腔式呼吸： 肋骨擴張，聲音明亮，但穩定性稍弱，適合輕快旋律。
- 腹式呼吸： 橫隔膜下降，氣流穩定，聲音圓潤，但可能缺乏音色亮度。
- 平衡呼吸： 結合胸腔與腹部優勢，氣流穩定而且有力，適用於長音、持續性嘅旋律及大部分嘅聲樂風格。
「發聲你要知」
#HKICF2026
編輯：謝文瀚、劉嘉蕙、劉嘉蕙
顧問：黃卓兒女士
